368.59
ՔՈԳՎ Երևան քաղաքի վարչության պետը Աստանայում ներկայացրել է ՀՀ ՆԳՆ ոստիկանությունում ընթացող բարեփոխումները
1 րոպեի ընթերցում
Ղազախստանի Աստանա քաղաքում հուլիսի 9-ից 12-ը տեղի է ունեցել ԱՊՀ անդամ պետությունների ներքին գործերի նախարարությունների քաղաքային ստորաբաժանումների ղեկավարների խորհրդակցություն, որին մասնակցել են Քրեական ոստիկանության Երևան քաղաքի վարչության պետ Հայկ Հարությունյանը և նույն վարչության անձի հետախուզման բաժնի պետ Աղվան Գրիգորյանը։
Ինչպես «Արմենպրես»-ին տեղեկացրին ՀՀ ներքին գործերի նախարարության ոստիկանությունից, խորհրդակցությունը վարել է Աստանա քաղաքի ոստիկանության դեպարտամենտի պետ Մարատ Տուլեբաևը։
Քննարկման առարկա են դարձել կազմակերպված հանցավորության դեմ առավել արդյունավետ պայքարելու գործիքակազմերը, համագործակցությունն ընդլայնելու հնարավորությունները։
Ըստ աղբյուրի՝ մասնակից պետությունների պատվիրակները միմյանց են ներկայացրել իրենց կառույցներում ընթացող բարեփոխումները։ Այս համատեքստում ելույթ է ունեցել նաև Երևան քաղաքի վարչության պետ Հայկ Հարությունյանը:
Ավարտին խորհրդակցության մասնակիցները ծաղիկներ են խոնարհել ծառայողական պարտականությունները կատարելիս զոհված ոստիկանների հիշատակը հավերժացնող հուշարձանին։
Բաժանորդագրվեք մեր ալիքին Telegram-ում