Հայաստանի ԱԳՆ-ն շնորհավորել է ԱՄՆ Անկախության օրվա առթիվ

Հայաստանի Հանրապետության արտաքին գործերի նախարարությունը շնորհավորական ուղերձ է հղել Ամերիկայի Միացյալ Նահանգների Անկախության օրվա կապակցությամբ՝ ակնկալելով խորացնել Վաշինգտոնի հետ ռազմավարական գործընկերությունը։

«Արմենպրես»-ի հաղորդմամբ՝ այս մասին նշված է ԱԳ նախարարության X-ի միկրոբլոգում արված գրառման մեջ։

«Մեր սրտանց շնորհավորանքներն ենք հղում ԱՄՆ-ին՝ Անկախության օրվա կապակցությամբ։ Անհամբեր սպասում ենք ընդհանուր արժեքների և շահերի վրա հիմնված Հայաստան-ԱՄՆ ռազմավարական գործընկերության խորացմանը և գալիք տարիներին ավելի ամուր կապերի ձևավորմանը։ Այս հատուկ օրը մեր ամերիկացի բարեկամներին մաղթում ենք խաղաղություն, բարգավաճում և ուրախություն»,-նշված է գերատեսչության գրառման մեջ։

Our heartfelt congratulations to the #USA on #IndependenceDay! Looking forward to deepening 🇦🇲&🇺🇸 strategic partnership rooted in shared values & common interests & forging even stronger bond in the years to come. Wishing our US friends peace, prosperity & joy on this special… pic.twitter.com/RDGVSZTGzi

— MFA of Armenia🇦🇲 (@MFAofArmenia) July 4, 2025