1 րոպեի ընթերցում
Թուրքական ոստիկանությունը 120 մարդու է ձերբակալել Իզմիրի քաղաքապետարանում կաշառակերության գործի հետաքննության շրջանակում: «Արմենպրես»-ի հաղորդմամբ՝ այս մասին հայտնում է Hurriyet-ը։
Ձերբակալվածների թվում է Իզմիրի նախկին քաղաքապետ Թունջ Սոյերը։ Գործով ներգրավված են նաև քաղաքապետարանի հետ առնչություն ունեցող İZBETON AŞ շինարարական ընկերության նախկին գործադիր տնօրեն Հևալ Սավաշ Կայան և քաղաքային վարչակազմի պաշտոնյաներ։
Ընկերության ղեկավարությունը մեղադրվում է այլ շինկազմակերպությունների ներգրավմամբ մրցույթներում մանիպուլյացիաներ կատարելու և գրանցված ծառայություններն ու աշխատանքները չկատարելու կամ մասնակի կատարելու համար։
Նշված շինարարական ընկերությանը նախկինում մեծ լիազորություններ էին ընձեռվել Իզմիրի շրջանում 2020 թվականի հոկտեմբերին տեղի ունեցած ավերիչ երկրաշարժի հետևանքները վերացնելու և վերականգնողական աշխատանքներ իրականացնելու համար։