368.59
Լրագրողի նկատմամբ բռնություն կիրառած ոստիկանն ազատվել է աշխատանքից
1 րոպեի ընթերցում
Ոստիկանության ծառայողի և լրագրողի միջև տեղի ունեցած միջադեպի մասնակից ոստիկանն ազատվել է ծառայությունից։ «Արմենպրես»-ի փոխանցմամբ՝ այս մասին տեղեկացրել է ՀՀ ՆԳ նախարարության մամուլի խոսնակ Նարեկ Սարգսյանը՝ «Ֆեյսբուք»-ի իր էջում կատարած գրառման միջոցով:
«Այսօր Աշտարակի խճուղում ոստիկանության ծառայողի և լրագրողի միջև տեղի ունեցած միջադեպի մասնակից ոստիկանը ազատվել է ծառայությունից»,- գրել է նա:
Ավելի վաղ հայտնել էինք, որ Կոտայքի մարզի Քասախ համայնքի բնակիչները հերթական անգամ բողոքի ակցիա էին անցկացնում՝ պահանջելով վերականգնել թիվ 59 երթուղու աշխատանքը, որն ուղևորափոխադրումներ էր իրականացնում Քասախից Երևան և հակառակ ուղղությամբ։
Բողոքի ակցիայի մասնակիցները փորձել են փակել Երևան մտնող մայրուղին, այդ ընթացքում իրավիճակը լարվել է, ինչից հետո ոստիկանությունը բերման է ենթարկել ակցիայի մի խումբ մասնակիցների։
Արձանագրվել է Ոստիկանության ծառայողի կողմից լրագրողի մասնագիտական գործունեությունը առերևույթ խոչընդոտելու և նրա նկատմամբ բռնություն կիրառելու դեպք:
Բաժանորդագրվեք մեր ալիքին Telegram-ում