1 րոպեի ընթերցում
Վերջին չորս տարում անտառպատման և անտառվերականգնման միջոցառումների շրջանակում Հայաստանում տնկվել է շուրջ 3.2 միլիոն ծառ։
«Արմենպրես»-ի փոխանցմամբ՝ ՀՀ ԱԺ մշտական հանձնաժողովների համատեղ նիստում «ՀՀ 2024 թվականի պետական բյուջեի կատարման մասին» տարեկան հաշվետվության նախնական քննարկման ժամանակ այս մասին հայտարարեց շրջակա միջավայրի նախարար Հակոբ Սիմիդյանը։
«2024 թվականին պետական բյուջեով ֆինանսավորվել է 337 հեկտար տարածքում իրականացված անտառտնկման ծրագիր։ Բացի այդ, մոտ 1100 հեկտար անտառ ևս վերականգնվել կամ ստեղծվել է միջազգային դրամաշնորհային ծրագրերի և ներհայաստանյան հասարակական կազմակերպությունների մասնակցությամբ»,- ասաց Սիմիդյանը։