368.44
ԱՄՆ-ն ակնկալում է շարունակել ՀՀ-ի հետ սերտ համագործակցությունը՝ տարածաշրջանային բարեկեցությունն ու անվտանգությունը խթանելու ուղղությամբ
1 րոպեի ընթերցում
ԱՄՆ պետքարտուղարի` եվրոպական և եվրասիական հարցերով փոխտեղակալ Ջոշուա Հաքն անդրադարձել է Հայաստանի անվտանգության խորհրդի քարտուղար Արմեն Գրիգորյանի հետ հանդիպման արդյունքներին։
«Հայ-ամերիկյան ամուր հարաբերությունների մասին զրուցեցի Անվտանգության խորհրդի քարտուղար Արմեն Գրիգորյանի հետ։ Ակնկալում ենք շարունակել մեր սերտ համագործակցությունը տարածաշրջանային բարեկեցությունը, փոխկապվածությունն ու անվտանգությունը խթանելու ուղղությամբ»,- «Արմենպրես»-ի փոխանցմամբ՝ Ջոշուա Հաքի խոսքը մեջբերել է Հայաստանում ԱՄՆ դեսպանատունը։
Ջոշուա Հաքը մայիսի 29-ին Երևանում հանդիպել էր ՀՀ արտաքին գործերի նախարար Արարատ Միրզոյանի և անվտանգության խորհրդի քարտուղար Արմեն Գրիգորյանի հետ։
Բաժանորդագրվեք մեր ալիքին Telegram-ում