365.82
Իրանը չի ընդունի իրեն խաղաղ միջուկային արդյունաբերության իրավունքից զրկելը. ԱԳ նախարար
2 րոպեի ընթերցում
Իրանը, որպես միջուկային զենքի չտարածման մասին պայմանագրի հետևողական մասնակից, որն անթույլատրելի է համարում միջուկային զենքի արտադրությունն ու կիրառումը, անընդունելի է համարում իրեն խաղաղ միջուկային արդյունաբերության իրավունքից զրկելը:
«Արմենպրես»-ի հաղորդմամբ՝ ինչպես փոխանցում է IRNA-ն, այս մասին հայտարարել է Իրանի արտաքին գործերի նախարար Աբբաս Արաղչին ՝ գիտնականների Պագուոշյան շարժման պատվիրակության հետ համատեղ նիստում:
Արաղչին ընդգծել Է Իրանի կողմից իր օրինական իրավունքների իրացման անհրաժեշտությունը ՝ համաձայն միջուկային զենքի չտարածման պայմանագրի:
Արտաքին գործերի նախարարը, վկայակոչելով ԱՄՆ-ի հետ անուղղակի բանակցությունների չորս փուլերը, հայտարարել է, որ Իրանի Իսլամական Հանրապետությունը, որպես միջուկային զենքի չտարածման մասին պայմանագրին անդամակցության երկար ժամկետ ունեցող երկիր և Արևմտյան Ասիայում միջուկային զենքից ազատ գոտու ստեղծման նախաձեռնող, բարեխղճորեն ու վճռականորեն որոշում է կայացրել անուղղակի բանակցությունների մեջ մտնել ԱՄՆ-ի հետ և մինչ օրս հստակ ցուցադրել է իր հետևողականությունն ու վճռականությունը:
«Իրանի Իսլամական Հանրապետությունը լիովին պատրաստ է իր՝ բացառապես խաղաղ նպատակով միջուկային ծրագրի նկատմամբ վստահության ամրապնդման միջոցառումներին։ Այդուհանդերձ, միջուկային զենքի չտարածման մասին պայմանագրի բոլոր մասնակից պետություններին տրամադրված միջուկային էներգիայի խաղաղ օգտագործման, ներառյալ՝ ուրանի հարստացման՝ իր ժողովրդի օրինական և անօտարելի իրավունքի հարցում Իրանը չի կարող փոխզիջումների գնալ», - ընդգծել է նախարարը:
Բաժանորդագրվեք մեր ալիքին Telegram-ում