Երևանում հունիսի 1-13-ը կանցկացվեն համերգներ և բացօթյա միջոցառումներ նախատեսված և՛ մեծերի, և՛ փոքրերի համար
1 րոպեի ընթերցում
Երևանի քաղաքապետարանի նախաձեռնությամբ հունիսի 1-13-ը կլինեն համերգներ և բացօթյա միջոցառումներ՝ նախատեսված ինչպես մեծերի, այնպես էլ փոքրերի համար։ «Արմենպրես»-ի հաղորդմամբ՝ այս մասին հայտնում են Երևանի քաղաքապետարանից:
Հունիսի 1-ին Անգլիական այգում կանցկացվի «Երբ գիրքը տոն է» մանկական գրքի փառատոնը, Ազատության հրապարակում՝ «Հունիսի 1-ը օպերային աստղերի հետ» բացառիկ ծրագիրը, հունիսի 6-ից Թումանյանի այգում կմեկնարկի Երևանի միջազգային 3-րդ բալետային փառատոնը, իսկ հունիսի 7-ին Օպերայի և բալետի ազգային ակադեմիական թատրոնում տեղի կունենա Երևանի երաժշտական և արվեստի դպրոցների 16-րդ մրցույթ-փառատոնի գալա համերգը, Տիգրան Մանսուրյանի «Խաղիկներ» նոր խմբերգային ստեղծագործության պրեմիերան և գրքի շնորհանդեսը: