Արտաշատում 4 ժամվա ընթացքում թափվել է ամսական նորմայից 1,5 անգամ ավելի տեղում

Արտաշատ համայնքում մայիսի 5-ին 4 ժամվա ընթացքում թափվել է ամսական նորմայից 1,5 անգամ ավելի տեղում (58 մմ): 

«Արմենպրես»-ի փոխանցմամբ՝ այս մասին տեղեկացնում է Հիդրոօդերևութաբանության և մոնիթորինգի կենտրոնը: 

Կենտրոնի տարածած հաղորդագրության մեջ ընդգծվում է, որ ակտիվ ցիկլոնի գործունեությամբ պայմանավորված՝ մայիսի 5-ին Հայաստանի ամբողջ տարածքում դիտվել են ամպրոպային բնույթի հորդառատ անձրևներ, առանձին հատվածներում՝ նաև կարկուտ։