«Իմնեմնիմի» փոդքաստի հեղինակներ Նարեկ Սամսոնյանն ու Վազգեն Սաղաթելյանն արդարացվել են

Երևանի ընդհանուր իրավասության դատարանը՝ դատավոր Արման Հովհաննիսյանի նախագահությամբ, մայիսի 2-ին արդարացման վճիռ է կայացրել «Իմնեմնիմի» փոդքաստի համահեղինակներ ու վարողներ Վազգեն Սաղաթելյանի և Նարեկ Սամսոնյանի գործով։ «Արմենպրես»-ի հաղորդմամբ՝ «Ֆեյսբուք»-ի իր էջում այս մասին գրել է փաստաբան Ռուբեն Մելիքյանը։ 

Նրանց նկատմամբ քրեական հետապնդում էր իրականացվում ՀՀ քրեական օրենսգրքի 297-րդ հոդվածի 2-րդ մասի 1-ին և 3-րդ կետերով՝ մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով խուլիգանություն կատարելու կասկածանքով։

Գործով անցնող երկու անձինք ավելի վաղ կալանավորվել էին երկու ամսով, ապա նրանց նկատմամբ կիրառվել էր խափանման միջոց՝ վարչական հսկողություն։