«Շիրակ»-ն ու «Ուրարտու»-ն չպարզեցին հաղթողին

Հայաստանի ֆուտբոլի առաջնության 28-րդ տուրը եզրափակվեց «Շիրակ»-«Ուրարտու» խաղով:

«Արմենպրես»-ի հաղորդմամբ` Գյումրու քաղաքային մարզադաշտում կայացած խաղում «Շիրակ»-ին չհաջողվեց պահպանել հաղթական հաշիվը: Հանդիպման վերջնամասում «Շիրակ»-ին առաջ մղեց Բրունոյի խփած գոլը, իսկ «Ուրարտու»-ից հաշվի հավասարությունը վերականգնեց Մկրտչյանը:

«Շիրակ»-«Ուրարտու»` 1:1:

Այս տուրից հետո «Շիրակ»-ը մրցաշարային աղյուսակում 6-րդն է, իսկ «Ուրարտու»-ն` 3-րդը: Հայաստանի ֆուտբոլի առաջնության ավարտին մնաց 5 տուր: