ՀՀ ԱԳՆ-ն ցավակցություն է հայտնել Իրանում ողբերգական պայթյունից զոհվածների հարազատներին ու երկրի կառավարությանը

ՀՀ արտաքին գործերի նախարարությունը ցավակցություն է հայտնել Իրանի Բենդեր Աբաս քաղաքի նավահանգստում տեղի ունեցած պայթյունի հետևանքով զոհվածների հարազատներին և երկրի կառավարությանը:

«Արմենպրես»-ի հաղորդմամբ՝ այս մասին ՀՀ ԱԳՆ-ն գրառում է կատարել X-ի միկրոբլոգում:

«Խորապես վշտացած ենք Բենդեր Աբաս քաղաքում տեղի ունեցած ողբերգական պայթյունից, որը բազմաթիվ զոհերի պատճառ է դարձել։ Մեր խորին ցավակցությունն ենք հայտնում Իրանի կառավարությանը և բարեկամ ժողովրդին, ինչպես նաև զոհվածների ընտանիքներին և հարազատներին: Տուժածներին՝ շուտափույթ ապաքինում»,- ասված է գրառման մեջ:

We are deeply saddened by the tragic explosion in #BanderAbbas which resulted in numerous casualties.

Our deepest condolences to the Government & friendly people of #Iran as well as to the families & loved ones of the victims. Wishing a speedy recovery of those who were injured.…

— MFA of Armenia🇦🇲 (@MFAofArmenia) April 27, 2025