384.44
Պուտինը Կրեմլում հանդիպում է անցկացրել Ուիթքոֆի հետ
1 րոպեի ընթերցում
Կրեմլում տեղի է ունեցել ՌԴ նախագահ Վլադիմիր Պուտինի և ԱՄՆ նախագահի հատուկ բանագնաց Սթիվեն Ուիթքոֆի հանդիպումը։ «Արմենպրես»-ի փոխանցմամբ՝ այս մասին նշված է Կրեմլի տարածած հաղորդագրությունում։
Ռուսական կողմից բանակցություններին մասնակցել են նաև նախագահի օգնական Յուրի Ուշակովը և Ռուսական ուղղակի ներդրումների հիմնադրամի գործադիր տնօրեն, նախագահի արտասահմանյան երկրների հետ ներդրումների և տնտեսական համագործակցության հարցերով հատուկ ներկայացուցիչ Կիրիլ Դմիտրիևը։
Հանդիպման վերաբերյալ այլ մանրամասներ չեն հաղորդվում։
Սա Պուտինի և Ուիթքոֆի արդեն չորրորդ հանդիպումն է. նախորդը տեղի է ունեցել ապրիլի 11-ին Սանկտ Պետերբուրգում։ Այդ հանդիպումը Կրեմլը դրական էր գնահատել։ Ռուսաստանի նախագահի օգնական Յուրի Ուշակովի խոսքով՝ չորս ժամից ավելի տևած զրույցի ընթացքում մեծ մասամբ քննարկվել են ռուս-ուկրաինական հակամարտության կարգավորման հարցերը, սակայն շոշափվել են նաև այլ թեմաներ՝ ինչպես քաղաքական, այնպես էլ տնտեսական բնույթի։
Բաժանորդագրվեք մեր ալիքին Telegram-ում