ՀՀ շուկայի վերահսկողության տեսչական մարմնի ներկայացուցիչն ընտրվել է ՄԱԿ, ԵՏՀ Շուկայի վերահսկողության խորհրդատվական խմբի փոխնախագահ
1 րոպեի ընթերցում
Շուկայի վերահսկողության տեսչական մարմինը (ՇՎՏՄ)՝ ի դեմս փորձագետ Լիաննա Անանյանի, ապրիլի 9-ին մասնակցելով ՄԱԿ-ի Եվրոպական տնտեսական հանձնաժողովի (ԵՏՀ) Կարգավորումների համագործակցության և ստանդարտացման քաղաքականության աշխատանքային խմբի շրջանակներում Շուկայի վերահսկողության խորհրդատվական խմբի տարեկան համաժողովին, հանդես է եկել որպես խոսնակ՝ ներկայացնելով ՇՎՏՄ գործառույթները։
Ինչպես «Արմենպրես»-ին տեղեկացրին ՀՀ շուկայի վերահսկողության տեսչական մարմնից, Շուկայի վերահսկողության խորհրդատվական խմբի նախագահի առաջարկությամբ ներկայացվել է Լիաննա Անանյանի թեկնածությունը՝ որպես ՄԱԿ, ԵՏՀ Շուկայի վերահսկողության խորհրդատվական խմբի փոխնախագահ։ Վերջինս միաձայն ընտրվել է։
ՇՎՏՄ-ն վստահություն է հայտնում, որ նման համագործակցությունները կնպաստեն նոր ուղիների և լուծումների բացահայտմանը ոլորտը վերահսկող մարմինների միջև։