1 րոպեի ընթերցում
Երևանի քաղաքապետարանի աշխատակազմի կոմունալ տնտեսության վարչության պետ Արսեն Կարոյանը կալանավորվել է կաշառքի գործով հարուցված քրեական վարույթի շրջանակում:
«Արմենպրես»-ի հաղորդմամբ՝ Վերաքննիչ հակակոռուպցիոն դատարանը բեկանել է առաջին ատյանի դատարանի որոշումը, որով Կարոյանի նկատմամբ որպես խափանման միջոց ընտրվել էր գրավը և վարչական հսկողությունը։
Դատարանի նոր որոշմամբ՝ Կարոյանի նկատմամբ որպես խափանման միջոց ընտրվել է կալանավորումը՝ երկու ամիս ժամկետով։
Արսեն Կարոյանը ձերբակալվել էր մարտի 4-ին։ Նրան վերագրվում է առերևույթ կաշառք ստանալու դեպք։ Նույն քրեական գործի շրջանակում փետրվարին քննչական գործողություններ էին իրականացվել Երևանի քաղաքապետարանում, ինչին հաջորդել էին պաշտոնյաների ձերբակալություններ։ Քրեական վարույթով փետրվարի դրությամբ եղել է 11 մեղադրյալ, որոնցից 4-ը գտնվում են կալանքի տակ։
