1 րոպեի ընթերցում
Եմենի հյուսիսում իշխող «Անսար Ալլահ» շարժման անդամները անօդաչու թռչող սարքով հարձակվել են Թել Ավիվի տարածքում գտնվող ռազմական օբյեկտի վրա և Սաադա նահանգի վրա՝ խոցելով F360 հետախուզական ինքնաթիռը, որը գործում էր ի շահ ԱՄՆ-ի և Իսրայելի։ Ինչպես տեղեկացնում է «Արմենպրես»-ը, այդ մասին հայտնել է շարժման ռազմական խոսնակ Յահյա Սարիան:
Նշվում է, որ «Gant Shark F360» հետախուզական ինքնաթիռը հատուկ առաքելություն էր իրականացնում Սաադա նահանգում:
Իսրայելական բանակն իր հերթին ավելի վաղ հայտնել էր, որ անօդաչու թռչող սարք է որսացել, որը երկրին մոտենում էր արևելքից:
Հութիները վերսկսել են հարձակումները Իսրայելի տարածքի վրա, որոնք դադարեցվել էին հունվարին՝ Պաղեստինի Գազայի հատվածում զինադադար սկսելուց հետո: Ավելի վաղ Հութիների առաջնորդ Աբդել Մալիկ ալ Հութին նախազգուշացրել էր, որ «Անսար Ալլահը» կվերսկսի հարձակումները Կարմիր և Արաբական ծովերում Իսրայելի հետ կապված նավերի վրա, եթե Իսրայելը շարունակի Գազայի հատվածի շրջափակումը։