Թուրքիայում շարունակվում են բողոքի զանգվածային ակցիաները՝ ի պաշտպանություն Ստամբուլի քաղաքապետ Էքրեմ Իմամօղլուի
1 րոպեի ընթերցում
Թուրքիայի տարբեր խոշոր քաղաքներում՝ Ստամբուլում, Իզմիրում և Անթալիայում շարունակվում են զանգվածային բողոքի ցույցերը՝ ի պաշտպանություն Ստամբուլի քաղաքապետ Էքրեմ Իմամօղլուի, որն օրեր առաջ ձերբակալվել էր։
Ինչպես հաղորդում է «Արմենպրես»-ը, այս մասին հայտնում են թուրքական լրատվամիջոցները:
Թուրքիայի գլխավոր ընդդիմադիր քեմալական Ժողովրդահանրապետական կուսակցությունը փրայմերիզի արդյունքում նախագահի թեկնածու է հայտարարել Էքրեմ Իմամօղլուին։
«Ավելի քան 14 միլիոն 850 հազար մարդ քվեարկել է Իմամօղլուի օգտին այսօր կայացած նախնական ընտրություններում», - ասել է Ժողովրդահանրապետական կուսակցության նախագահ Օզգյուր Օզելը։
Օզելը մարտի 23-ին Ստամբուլում կայացած հանրահավաքի ժամանակ ասել է, որ կուսակցության համակիրները սեպտեմբերի 24-ից ամեն օր հրապարակներում են լինելու:
Ստամբուլի նահանգապետարանը մարտի 26-ին կդիտարկի Ստամբուլի փոխքաղաքապետի թեկնածությունը Ստամբուլի քաղաքապետի պաշտոնում՝ ձերբակալված Էքրեմ Իմամօղլուի փոխարեն։
