Ոստիկանության բաժանմունքում 29-ամյա երիտասարդի նկատմամբ բռնություն կիրառելու դեպքի առթիվ քրեական վարույթ է նախաձեռնվել

Դատախազի հաղորդման հիման վրա քրեական վարույթ է նախաձեռնվել ՀՀ ոստիկանության Լոռու մարզային վարչությունում 29-ամյա երիտասարդի նկատմամբ բռնություն կիրառելու դեպքի առնչությամբ։  

«Արմենպրես»-ին այս մասին հայտնեցին ՀՀ գլխավոր դատախազությունից։ 

«Դատախազի հաղորդման հիման վրա նախաձեռնվել է քրեական վարույթ՝ քրեական օրենսգրքի 450-րդ հոդվածի 2-րդ մասի 7-րդ կետի հատկանիշներով» ,- հայտնեցին ՀՀ գլխավոր դատախազությունից։ 

Ավելի վաղ Վանաձորում բնակվող 29-ամյա երիտասարդը հայտնել էր, որ Վանաձորի ոստիկանությունում իր նկատմամբ բռնություն է կիրառվել, հայհոյանքներով ու անհարգալից վերաբերմունքով  ստիպել են ցուցմունք տալ։