Չեռնոգորիան ողջունել է Հայաստան-Ադրբեջան խաղաղության համաձայնագրի շուրջ բանակցությունների ավարտի մասին հայտարարությունը

Չեռնոգորիայի արտաքին գործերի նախարարությունը ողջունել է Հայաստանի և Ադրբեջանի միջև խաղաղության համաձայնագրի շուրջ բանակցությունների ավարտի վերաբերյալ հայտարարությունը՝ այն համարելով կարևոր քայլ տարածաշրջանային, եվրոպական և գլոբալ անվտանգության ամրապնդման ուղղությամբ։

«Չեռնոգորիան բարձր է գնահատում Ադրբեջանի և Հայաստանի միջև պատմական խաղաղության համաձայնագիրը: Սա մեծ ներդրում է տարածաշրջանի կայունության և եվրոպական ու համաշխարհային անվտանգության գործում։ Չեռնոգորիան հույս ունի ամրապնդել գործընկերային հարաբերությունները երկու բարեկամ երկրների հետ և սերտ համագործակցել նրանց հետ՝ խաղաղության, անվտանգության, կայունության և տնտեսական բարգավաճման նպատակներին հասնելու համար»,- «Արմենպրես»-ի հաղորդմամբ՝նշվում է նախարարության X-ի միկրոբլոգում։

Montenegro strongly commends the historic peace agreement between Azerbaijan and Armenia. This is a great contribution to the stability of the region and European and global security. Montenegro looks forward to strengthening relations and partnership with both friendly countries…

— MFA Montenegro (@MFA_MNE) March 14, 2025