Պերուում առևտրի կենտրոններից մեկի տանիք է փլուզվել․ կան զոհեր

Պերուում առևտրի կենտրոններից մեկի տանիքի փլուզման հետևանքով զոհվել է 8, վիրավորվել՝ առնվազն 80 մարդ։

«Արմենպրես»-ի փոխանցմամբ՝ այս մասին հաղորդում է APA-ն՝ վկայակոչելով երկրի ՆԳՆ-ն։

«Ոստիկանության աշխատակիցներն ու հրշեջները որոնողափրկարարական աշխատանքներ են իրականացնում Տրուխիլիոյի առևտրի կենտրոնի ֆուդ-կորտի տանիքի փլուզման տարածքում»,-նշվում է հաղորդագրության մեջ։

Ողբերգության պառճառներն առայժմ հայտնի չեն, դեպքի վայրում աշխատում են դատախազության աշխատակիցները։