Հայաստանը գնահատում է Պենտագոնի հետ համագործակցությունը և ակնկալում է շարունակել գործընկերությունը․ Լիլիթ Մակունց

Միացյալ Նահանգներում Հայաստանի Հանրապետության դեսպան Լիլիթ Մակունցը հանդիպում է ունեցել Պենտագոնում, որի ընթացքում քննարկվել են Երևան-Վաշինգտոն ռազմավարական գործընկերությանը և Հարավային Կովկասում խաղաղության գործընթացին վերաբերող հարցեր: 

«Արմենպրես»-ի հաղորդմամբ՝ այս մասին նշված է ԱՄՆ-ում ՀՀ դեսպանի X-ի միկրոբլոգում կատարված գրառման մեջ։

Had a great engagement at the Pentagon. We spoke about Armenia-U.S. strategic partnership and the peace process in the South Caucasus region. Armenia values the collaboration with the U.S Department of Defense and looks forward to continuing our partnership.

— Lilit Makunts (@LilitMakunts) February 21, 2025

«Հիանալի հանդիպում ունեցա Պենտագոնում: Խոսեցինք Հայաստան-ԱՄՆ ռազմավարական գործընկերության և Հարավային Կովկասում խաղաղության գործընթացի մասին։ Հայաստանը գնահատում է ԱՄՆ պաշտպանության նախարարության հետ համագործակցությունը և ակնկալում է շարունակել մեր գործընկերությունը»,-նշված է Լիլիթ Մակունցի գրառման մեջ։