2 րոպեի ընթերցում
Ցանկացած պահի, երբ ժողովուրդը կցանկանա իշխանությունը վերցնել, այդ ցանկության առաջ ոչ մեկ չի կարող կանգնել:
«Արմենպրես»ք-ի հաղորդմամբ՝ այս մասին ասաց Հայաստանի վարչապետ Նիկոլ Փաշինյանը ԱԺ–կառավարություն հարցուպատասխանին:
«Ես իշխանությունը ստացել եմ ժողովրդից: Եվ ես իշխանությունը կարող եմ վերադարձնել միայն ժողովրդին: Դա եղել է միշտ իմ սկզբունքը: Երբ ժողովուրդը կգա դուռը կծեծի կամ չի ծեծի, կասի՝ իմ իշխանությունը տուր ինձ, այդ իշխանությունը կտամ իրեն: Եվ թույլ չեմ տա որևէ խմբակ՝ անկախ նրանից, թե այդ խմբակի պարագլխի անունն ինչ է, ժողովրդի իշխանությունը խլի»,–ասաց Փաշինյանը՝ շեշտելով, որ իշխանության տերը ժողովուրդն է:
Նա հիշեցրեց՝ 2018–ից մինչև 2025 թվական ասում է՝ Հայաստանի Հանրապետությունում իշխանությունը պատկանում է ժողովրդին, որ պահին ժողովուրդն ուզենա այդ իշխանությունը վերցնի, կվերցնի: «Ընտրություններով, թե առանց ընտրությունների, որ պահին ժողովուրդն ուզենա վերցնի, ժողովրդի այդ ցանկության առաջ ոչ մեկ չի կարող կանգնել, ոչ մեկ, ինչպես 2018 թվականին չկարողացավ կանգնի: Ես ժողովրդի իշխանությունն եմ պաշտպանում ձեզնից ու մինչև վերջ պաշտպանելու եմ»,–ասաց Փաշինյանը՝ դիմելով ընդդիմությանը՝ նախկին իշխանությանը:
Նա կրկնեց. «Վաղն առավոտը ժողովուրդն ուզենա իշխանությունը վերցնի, ժողովուրդը կվերցնի»: