1 րոպեի ընթերցում
Փարաքար խոշորացված համայնքի Մերձավան բնակավայրում կրակոցներ են հնչել, որի հետևանքով կա մեկ զոհ և մեկ վիրավոր։
Այս մասին «Արմենպրես»-ին հայտնեց ՆԳՆ մամուլի քարտուղար Նարեկ Սարգսյանը՝ նշելով, որ միջադեպի վերաբերյալ նախաձեռնվել է քրեական վարույթ։
«Դեպքի բոլոր հանգամանքներն այս պահին պարզվում են»,- ասաց նա։
«Հայկական ժամանակ»-ը հայտնել է, որ կրակոցները հնչել են Մերձավանի վարչական ղեկավար Մհեր Ախտոյանի տան ուղղությամբ։ Կայքի հետ զրույցում լուրը հաստատել է նաև Մերձավան վարչական բնակավայրի ղեկավարի եղբայրը՝ Դավիթ Ախտոյանը։
Ըստ նրա՝ զոհվածը իրենց հորաքրոջ որդին է, վիրավորն իրենց ընտանիքի ընկերն է։