Համահայկական խաղերի դահուկավազքի դասական ոճում լավագույններն Աշոցքի ու Սոչիի ներկայացուցիչներն են
1 րոպեի ընթերցում
Համահայկական ձմեռային երկրորդ խաղերի դահուկավազքի դասական ոճի հաղթողները հայտնի են:
«Արմենպրես»-ի հաղորդմամբ` Ջերմուկ քաղաքում ընթացող Համահայկական ձմեռային երկրորդ խաղերի դահուկավազքի մրցաշարում հայտնի դարձան դահուկավազքի դասական ոճի հաղթողները: Տղամարդկանց պայքարում լավագույնները կրկին Աշոցքի ներկայացուցիչներն են: Եռյակում են` Միքայել Միքայելյանը, Սպարտակ Ոսկանյանը ու Թադևոս Պողոսյանը:
Կանանց պայքարում առաջին տեղում Սոչի քաղաքից Վասելինա Խաչատրյանն է, երկրորդը Աշոցքից Կատյա Գալստյանը, իսկ եռյակի վերջում Գյումրիի ներկայացուցիչ Ռոզա Սիմոնյանն է:
Համահայկական խաղերի դահուկավազքի մրցումային երրորդ օրը մարզիկներն ուժերը կչափեն փոխանցումավազքում:
Համահահյական ձմեռային երկրորդ խաղերը մեկնարկել են փետրվարի 1-ին և կեզրափակվեն փետրվարի 7-ին։