1 րոպեի ընթերցում
Գեղարքունիքի մարզի Մարտունի համայնքի ղեկավար Հովհաննես Հովեյանն ընդունել է Հայաստանի Հանրապետությունում Կանադայի դեսպանատան քաղաքական խորհրդական Ահարոն Քոունին, «Կանադայի Տեղական նախաձեռնությունների հիմնադրամի» տարածաշրջանային համակարգող Աննա Ժուգանին, «Դեմոկրատիան այսօր» ՀԿ-ի հիմնադիր և նախագահ Գյուլնարա Շահինյանին։
Ինչպես «Արմենպրես»-ը տեղեկացավ Մարտունու համայնքապետարանի աշխատակազմից, համայնքի ղեկավարը ողջունել է հյուրերին և նրանց ներկայացրած ծրագիրը՝ օժանդակելու համայնքի կանանց շահառու խմբին։
Քննարկվել և հստակեցվել են Մարտունի համայնքում իրականացվելիք աջակցության ծրագրի մանրամասները։
«Կանադայի տեղական նախաձեռնությունների հիմնադրամի» աջակցությամբ «Դեմոկրատիան այսօր» հասարակական կազմակերպությունը Մարտունի համայնքում զարգացնում է տեղահանված և տեղացի կանանց կարողությունները` տնտեսական և քաղաքացիական կրթության միջոցով:
Ընդունելությունից հետո կայացել է հանդիպում Մարտունի համայնքում բնակվող 43 կանանց և Կանադայի աջակցությունը ներկայացնող խմբի հետ, որի ընթացքում անցկացվել են քննարկումներ կանանց հուզող խնդիրների վերաբերյալ։