Դոնալդ Թրամփը «Երկաթե գմբեթ» հակահրթիռային պաշտպանության ազգային համակարգ ստեղծելու մասին հրամանագիր է ստորագրել
1 րոպեի ընթերցում
Միացյալ Նահանգների նախագահ Դոնալդ Թրամփը «Երկաթե գմբեթ» հակահրթիռային պաշտպանության ազգային համակարգ ստեղծելու մասին հրամանագիր է ստորագրել։
«Արմենպրես»-ի հաղորդմամբ՝ այս մասին նշված է Սպիտակ տան մամուլի ծառայության տարածած հաղորդագրության մեջ, որտեղ ներկայացված է նաև հրամանագրի բուն նպատակը։
«Բալիստիկ, հիպերձայնային և թեւավոր հրթիռների և այլ առաջադեմ օդային հարձակումների սպառնալիքը մնում է Միացյալ Նահանգների առջև ծառացած ամենաաղետալի սպառնալիքը: Նախագահ Ռոնալդ Ռեյգանը ջանում էր ստեղծել արդյունավետ պաշտպանություն միջուկային հարձակումներից, և թեև այս ծրագիրը հանգեցրեց տեխնոլոգիական առաջընթացի, այն չեղարկվեց նախքան իր նպատակն իրագործելը»,-նշված է հայտարարության մեջ:
Վերջինիս համաձայն՝ Միացյալ Նահանգները կապահովի իր քաղաքացիների և ազգի ընդհանուր պաշտպանությունը՝ տեղակայելով և պահպանելով հաջորդ սերնդի հակահրթիռային պաշտպանության վահան, Միացյալ Նահանգները կզսպի և կպաշտպանի իր քաղաքացիներին և կարևոր ենթակառուցվածքները երկրի վրա ցանկացած օտարերկրյա օդային հարձակումից. Միացյալ Նահանգները կերաշխավորի երկրորդ հարվածի իր անվտանգ հնարավորությունը: