Տնտեսություն

Զբոսաշրջային գործունեություն իրականացնող սուբյեկտների համար մի շարք պահանջներ կսահմանվեն

2 րոպեի ընթերցում

Զբոսաշրջային գործունեություն իրականացնող սուբյեկտների համար մի շարք պահանջներ կսահմանվեն

ՀՀ կառավարությունը հունվարի 23-ի նիստում հաստատեց զբոսաշրջային գործունեություն ծավալող սուբյեկտների կողմից համապատասխան ծառայությունների մատուցման կանոնները և պահանջները սահմանելու մասին որոշման նախագիծը։

«Արմենպրես»-ի փոխանցմամբ՝ ներկայացնելով նախագիծը՝ Էկոնոմիկայի նախարար Գևորգ Պապոյանը նշեց, որ դրանով առաջարկվում է սահմանել զբոսաշրջային գործունեության սուբյեկտների կողմից համապատասխան ծառայությունների մատուցման կանոնները և պահանջները, որոնք նպատակ ունեն ոչ միայն հստակ տարբերակելու զբոսաշրջային օպերատորների և զբոսաշրջային գործակալների գործունեությունը, այլև ապահովելու որակյալ ծառայությունների, հավասար մրցակցային դաշտի առկայությունը ոլորտում։

Ըստ այդմ՝ զբոսաշրջային օպերատորի և նրա ղեկավարի նկատմամբ ներկայացվում են մի շարք պահանջներ։ Մասնավորապես, պահանջվելու է ոլորտում նվազագույնը երեք տարվա աշխատանքային ստաժ կամ աշխատանք կատարելու փորձ (կամ ծառայություն մատուցելու) , կամ՝ զբոսաշրջության ոլորտում բարձրագույն, միջին մասնագիտական կրթություն։

Առցանց եղանակով զբոսաշրջային ծառայությունների մատուցման դեպքում կպահանջվի  գործող, մշտապես թարմացված կայք՝ մի քանի լեզուներով։ Յուրաքանչյուր էջի նկատելի մասում պետք է նշված լինի թարմացման ամսաթիվն ու տարեթիվը։

Առանձնացված բաժնում անհրաժեշտ է լինելու ներկայացնել տեղեկություններ զբոսաշրջային օպերատորի, ֆիրմայի անվանման, հարկ վճարողների հաշվառման հասցեի, համարի, բանկային վավերապայմանների, գրասենյակի հասցեի, կառավարման մարմինների և դրա անդամների վերաբերյալ։  

Կայքում պետք է արտացոլվի առաջարկվող զբոսաշրջային փաթեթների, տուրերի կամ այլ զբոսաշրջային ծառայությունների վերաբերյալ տեղեկատվությունը։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում