Balchug Capital-ն իր պորտֆելում ավելացնում է կենդանիների կեր արտադրող խոշորագույն ընկերություններից մեկը

Balchug Capital ընկերությունը ձեռք է բերել Ռուսաստանում կենդանիների կերի խոշոր արտադրող «Радуга» սահմանափակ պատասխանատվությամբ ընկերությունը։

Գործարքը, որը հաստատվել է ՌԴ Դաշնային հակամենաշնորհային ծառայության կողմից, Balchug Capital-ի դիվերսիֆիկացված պորտֆելում ավելացնում է բարձրորակ արտադրական ձեռնարկություն՝ թույլ տալով ընկերությանն օգտվել կենդանիների կերի աճող շուկայի հնարավորություններից:

«Радуга» ՍՊԸ-ն 2017 թվականից զբաղվում է կատուների և շների համար բարձրորակ ամբողջական չոր կերի լայն տեսականու արտադրությամբ։ 2024 թվականի տվյալներով ընկերությունն արտադրել և վաճառել է ավելի քան 25 հազար տոննա արտադրանք՝ ստանալով ավելի քան 2,3 միլիարդ ռուբլի եկամուտ։ Չելյաբինսկի մարզում տեղակայված «Радуга» ՍՊԸ-ի ժամանակակից արտադրական համալիրի հզորությունը կազմում է մոտ 50 հազար տոննա և ունի մինչև 80 հազար տոննա ընդլայնվելու հեռանկար։

Balchug Capital-ը նախատեսում է աջակցել իր պորտֆելի այս ընկերության ընդլայնմանը՝ բավարարելով շուկայի աճող պահանջարկը:

Այս գործարքը շարունակում է Balchug Capital-ի տնտեսության իրական հատվածում բարձրորակ և իրացվելի ակտիվներում ներդրումների ռազմավարությունը՝ լրացնելով վերջին հաջողությունները, ինչպես օրինակ՝ Ռուսաստանում փայտամշակման արդյունաբերության առաջատար ընկերություններից մեկի՝ «Сыктывкарский фанерный завод» ՍՊԸ-ի ձեռքբերումը:

Balchug Capital-ի մասին

Balchug Capital-ը հիմնադրվել է 2010 թվականին Դավիթ Ամարյանի կողմից։ Ընկերության կառավարման տակ գտնվում է մոտ 2 միլիարդ դոլարի ակտիվ:

«Радуга» ՍՊԸ-ի մասին

2017 թվականից շուկայում գործող «Радуга» ՍՊԸ-ն արտադրում է կատուների և շների բարձրորակ կեր։ Ընկերության ժամանակակից արտադրական համալիրը գտնվում է Չելյաբինսկի մարզի Ուվելսկի բնակավայրում։ Ընկերությունը արտադրանք է թողարկում ինչպես իր սեփական ապրանքանիշերով (Cat&Man, Dog&Man, Fellini, Мурланч և այլն), այնպես էլ մանրածախ ցանցերի համար՝ նրանց սեփական ապրանքանիշերով։