Մեկնարկում են Հայաստանի շախմատի կանանց և տղամարդկանց առաջնությունները

ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Հայաստանի շախմատի կանանց և տղամարդկանց առաջնությունների մեկնարկային տուրի մրցակիցները հայտնի են:

«Արմենպրես»-ի հաղորդմամբ` Տիգրան Պետրոսյանի անվան շախմատի տանը հունվարի 14-ից մեկնարկում են Հայաստանի կանանց 80-րդ և տղամարդկանց 85-րդ առաջնությունները:

Կանանց մրցաշարի մեկնարկային տուրում միմյանց հետ կմրցեն Մարիամ Ավետիսյան-Նվարդ Հայրապետյան, Սուսաննա Գաբոյան-Մելինե Հարությունյան, Սյուզաննա Առաքելյան-Լիլիան Դանիելյան, Մարիամ Խաչատրյան-Աննա Խաչատրյան, Պոլինա Կոբակ-Միլենա Գասպարյան զույգերը:  

Տղամարդկանց առաջնության անդրանիկ տուրում կմրցեն` Տիգրան Հարությունյան-Արթուր Դավթյան, Բենիկ Ագասարով-Կարեն Գրիգորյան, Մամիկոն Ղարիբյան-Հովիկ Հայրապետյան, Մանուէլ Պետրոսյան-Ռոբերտ Հովհաննիսյան, Զավեն Անդրիասյան-Սարգիս Սարգսյան զույգերը:

Հայաստանի շախմատի առաջնությունները կավարտվեն հունվարի 22-ին: