1 րոպեի ընթերցում
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ։ Երևանի ավտոբուսային երթուղիներում շարժակազմերի սպասարկումը շարունակում է մնալ թերի՝ պայմանավորված վարորդների պակասով։ «Արմենպրես»-ի հաղորդմամբ՝ Երևանի քաղաքապետարանի գործակարգավարական խորհրդակցության ժամանակ այս մասին ասաց «Երևան ավտոբուս» ՓԲԸ ղեկավար Բեգլար Կիրակոսյանը։
Ըստ նրա՝ հաշվետու շաբաթվա ընթացքում 76 երթուղում նախատեսված 4541 շարժակազմից գործել է ընդամենը 3205-ը՝ 1336-ով պակաս։ Թերակատարման հիմնական պատճառն է հունվարի 1-ից շահագործման հանձնված 171 նոր ավտոբուսի համար վարորդների անհրաժեշտ թվի բացակայությունը։
«Հաշվի առնելով, որ ընկերությունում առկա է վարորդների թափուր հաստիքներ՝ սիրով աշխատանքի են հրավիրում D կարգ ունեցող վարորդների։ Օգտվելով առիթից՝ պատճառված անհարմարությունների և դժվարությունների համար հայցում ենք հայրենակիցների ներողամտությունը և անում ամեն ինչ օր առաջ կարգավորելու ստեղծված իրավիճակը։ Այս պահին 225 վարորդի թափուր հաստիք ունենք»,-ասաց Բեգլար Կիրակոսյանը։