398.94
Թուրքիայի ԱԳ նախարարը դրական է գնահատել ՀՀ վարչապետի ուղերձները տարածաշրջանում խաղաղության հաստատման վերաբերյալ
1 րոպեի ընթերցում
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ։ Թուրքիայի արտաքին գործերի նախարար Հաքան Ֆիդանն անդրադարձել է Հայաստանի և Ադրբեջանի միջև խաղաղության պայմանագրի շուրջ բանակցություններին՝ նշելով, որ Հայաստանն առաջ է շարժվում տարածաշրջանային երկարաժամկետ ռազմավարության ընկալմամբ։
«Արմենպրես»-ի փոխանցմամբ՝ Հաքան Ֆիդանն այդ մասին խոսել է հունվարի 10-ին կայացած մամուլի ասուլիսի ժամանակ։
«Կարևորում ենք, որ վարչապետ Փաշինյանն այս ուղղությամբ դրական ուղերձներ է հղում։ Արձանագրում ենք, որ խաղաղության օգտին նրա ցուցաբերած դիրքորոշումը նպաստում է գործընթացի դրական առաջընթացին։ Շարունակում ենք մեր աջակցությունը երկկողմ բանակցություններին՝ առանց միջնորդների։ Խաղաղության հաստատումը մեր տարածաշրջանի զարգացման համար աննախադեպ նոր հնարավորություններ կբերի»,- ասել է Ֆիդանը։
Բաժանորդագրվեք մեր ալիքին Telegram-ում