1 րոպեի ընթերցում
ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ։ Air Astana ավիաընկերության Airbus A321 ինքնաթիռը, որն իրականացնում էր Ալմաթի-Անթալիա КС915 չվերթը, տեխնիկական անսարքության պատճառով հարկադիր վայրէջք է կատարել Ակտաու քաղաքի օդանավակայանում։
«Արմենպրես»-ի հաղորդմամբ՝ այս մասին հայտնում է Kazinform լրատվական գործակալությունը՝ վկայակոչելով Air Astana ավիաընկերությանը։
Ըստ աղբյուրի՝ ակնկալվում է, որ չվերթը կմեկնարկի հունվարի 9-ի առավոտյան ժամը 9:20-ին ՝ Ալմաթիից պահեստամասերի առաքման անհրաժեշտության պատճառով:
Օդանավի ուղևորները տեղափոխվել են հյուրանոցներ և ապահովվել են սննդով։