Հանրապետության տարածքում առաջիկայում օդի ջերմաստիճանը կբարձրանա

ԵՐԵՎԱՆ, 7 ՀՈՒՆՎԱՐԻ, ԱՐՄԵՆՊՐԵՍ: Երևանում հունվարի 7-ի ցերեկը, 8-12-ին սպասվում է առանց տեղումների եղանակ:

«Արմենպրես»-ի հաղորդմամբ՝ այս մասին տեղեկացնում են Հիդրոօդերևութաբանության և մոնիթորինգի կենտրոնից՝ նշելով, որ օդի ջերմաստիճանը հունվարի 9-10-ին աստիճանաբար կբարձրանա 2-4 , Լոռիում, Տավուշում և Սյունիքում՝ 7-10 աստիճանով։

Մարզերում հունվարի 7-ի ցերեկը, 8-12-ին կդիտվի առանց տեղումների եղանակ: Արարատյան և Շիրակի դաշտերում առավոտյան ժամերին սպասվում է մառախուղ, ճանապարհներին՝ մերկասառույց։ Քամին՝ հյուսիսարևմտյան 2-4մ/վ։