1 րոպեի ընթերցում
ԵՐԵՎԱՆ, 24 ԴԵԿՏԵՄԲԵՐԻ, ԱՐՄԵՆՊՐԵՍ։ Թուրքիայի արևմուտքում' Բալըքեսիր քաղաքում գործող պայթուցիկ նյութեր արտադրող գործարանում պայթյուն է որոտացել։ «Արմենպրես»-ի փոխանցմամբ՝ այս մասին հայտնում են թուրքական ԶԼՄ-ները։
Նահանգապետ Իսմայիլ Ուսթաօղլուն հայտնել է, որ պայթյունի հետևանքով զոհվել է 12 մարդ, ևս երեքը' վիրավորվել։ Նրա խոսքով՝ նոր պայթյունի վտանգ չկա։
Նշվում է, որ դեռ պարզված չէ, թե ինչը կարող էր հանգեցնել նման ողբերգության։