Սիրիայի ԱԳՆ-ն և արտերկրի դիվանագիտական ներկայացուցչությունները կշարունակեն իրենց աշխատանքը
1 րոպեի ընթերցում
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Սիրիայի արտաքին գործերի նախարարությունը հայտարարել է, որ գերատեսչությունը և արտերկրում նրա դիվանագիտական ներկայացուցչությունները կշարունակեն իրենց աշխատանքը:
«Արմենպրես»-ի հաղորդմամբ՝ այս մասին Սիրիայի արտաքին քաղաքական գերատեսչությունը հաղորդագրություն է տարածել իր պաշտոնական կայքէջում:
Հաղորդագրության համաձայն՝ Սիրիայի դիվանագիտական առաքելություններն արտերկրում կշարունակեն ծառայել համաքաղաքացիներին՝ հիմնվելով այն վստահության վրա, որ նրանք ցուցաբերում են սիրիական ժողովրդին ներկայացնելու հարցում: