398.94
ՀՀ ՏԿԵ փոխնախարարը և Նորվեգիայի փոխդեսպանը քննարկել են էներգետիկ ոլորտին վերաբերող հարցեր
1 րոպեի ընթերցում
ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ տարածքային կառավարման և ենթակառուցվածքների նախարարի տեղակալ Հովհաննես Հարությունյանն ընդունել է Նորվեգիայի Թագավորության փոխդեսպան Ռեբեկա Լիին։
Ինչպես «Արմենպրես»-ին տեղեկացրին նախարարությունից, հանդիպման ընթացքում քննարկվել են էներգետիկ ոլորտին վերաբերող հարցեր. մասնավորապես, նախարարի տեղակալը ներկայացրել է վերականգնվող էներգետիկ ռեսուրսների կիրառմամբ արևային և հողմային էլեկտրաէներգիայի արտադրությանն ուղղված ծրագրերը միջազգային համագործակցության շրջանակներում։
Ըստ աղբյուրի՝ անդրադառնալով «Խաղաղության խաչմերուկ» նախագծին՝ Հարությունյանը նշել է, որ ծրագրի իրականացումը միտված է տարածաշրջանում ենթակառուցվածքների ապաշրջափակմանը, այդ թվում՝ էլեկտրահաղորդման գծերի, ինչը հնարավորության կտա հետագա ավելի լայն համագործակցության:
Բաժանորդագրվեք մեր ալիքին Telegram-ում