Գեղանկարիչ Հրանտ Դանիելյանի տարեդարձի կապակցությամբ Կապանում բացվել է «Իմ սիրտը Կապանում է» խորագրով անհատական ցուցահանդեսը
1 րոպեի ընթերցում
ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ։ Գեղանկարիչ Հրանտ Դանիելյանի տարեդարձի կապակցությամբ Կապանի Ժամանակակից Արվեստի թանգարանում տեղի է ունեցել «Իմ սիրտը Կապանում է» խորագրով անհատական ցուցահանդեսի բացումը։
«Արմենպրես»-ի փոխանցմամբ՝ Հրանտ Դանիելյանի հեղինակային հավաքածուն 2022 թվականին ցուցադրվել է Հայաստանի Նկարիչների միությունում, իսկ դեկտեմբերի 4-ին նկարչի հիշատակին նվիրված ցուցահանդեսը բացվել է հայրենի Կապանում:
Ցուցահանդեսին ներկա էին Սյունիքի մարզի համայնքների ղեկավարներ, ԶՊՄԿ ղեկավար կազմը, Կապանի մշակութային և հանրային գործիչներ, հյուրեր մայրաքաղաքից:
Ցուցահանդեսը բաց կլինի 2 ամիս
Ցուցահանդեսը նախատեսվում է նաև ՌԴ-ում, ԱՄԷ և ԵՄ մի շարք երկրներում: