Սիրիայի նոր իշխանությունները ձերբակալել են Բաշար Ասադի զարմիկին

Սիրիայի նոր իշխանությունները ձերբակալել են նախկին նախագահ Բաշար Ասադի զարմիկին՝ Աթեֆ Նաջիբին։ «Արմենպրես»-ի հաղորդմամբ՝ այս մասին տեղեկացնում են տեղական լրատվամիջոցները։ Նաջիբին ձերբակալել են Լաթաքիայում։

Նա մեղադրվում է սիրիացի ժողովրդի դեմ հանցագործություններ կատարելու մեջ։

Նա Բաշար Ասադի օրոք ղեկավարել է Դերաա նահանգի քաղաքական անվտանգության վարչությունը և մասնակցություն է ունեցել հակակառավարական ցույցերի ճնշմանը։

Լաթաքիայի նահանգի հասարակական անվտանգության վարչության տնօրեն, փոխգնդապետ Մուստաֆա Կնեֆաթին հայտարարել է, որ այս քայլը իշխանությունների ջանքերի մաս է՝ պատասխանատվության ենթարկելու Սիրիայի ժողովրդի դեմ հանցագործություններ կատարած անձանց։