398.94
Նիկոլ Փաշինյանն ընդունել է ՀՀ-ում Նիդեռլանդների նորանշանակ դեսպանին
1 րոպեի ընթերցում
ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության վարչապետ Նիկոլ Փաշինյանն ընդունել է Հայաստանում Նիդեռլանդների արտակարգ և լիազոր դեսպան Մարիկե Հարիետ Մոնրոյ-Վինթերին, ով նոր է ստանձնում դիվանագիտական առաքելությունը ՀՀ-ում։
Ինչպես «Արմենպրես»-ը տեղեկանում է վարչապետի աշխատակազմի տարածած հաղորդագրությունից, Նիկոլ Փաշինյանը շնորհավորել է դեսպանին պաշտոնը ստանձնելու առիթով և մաղթել հաջողություններ՝ ի նպաստ Հայաստանի և Նիդեռլանդների միջև համագործակցության հետագա զարգացման ու ամրապնդման:
ՀՀ վարչապետը նշել է, որ երկու երկրների միջև վերջին տարիներին ձևավորվել է սերտ փոխգործակցություն, առկա է ակտիվ քաղաքական երկխոսություն: Երկրի ղեկավարը հույս է հայտնել, որ առաջիկայում երկկողմ արդյունավետ
աշխատանքի արդյունքում տարբեր ոլորտներում կապերն էլ ավելի
կընդլայնվեն:
Դեսպանն ընդգծել է Հայաստանի հետ հարաբերությունների զարգացնելու Նիդեռլանդների կառավարության շահագրգռվածությունը, այդ թվում՝
ժողովրդավարական բարեփոխումների առաջմղման, տնտեսական կապերի
ընդլայնման, Հայաստան-Եվրոպական միություն հարաբերությունների
զարգացման ուղղություններով:
Զրուցակիցները քննարկել են երկուստեք հետաքրքրություն ներկայացնող
այլ հարցեր ևս:
Բաժանորդագրվեք մեր ալիքին Telegram-ում