ნიკოლ ფაშინიანმა სომხეთში ნიდერლანდების ახალი ელჩი მიიღო

ერევანი, 2 დეკემბერი, არმენპრესი․ სომხეთის პრემიერ-მინისტრმა ნიკოლ ფაშინიანმა მიიღო სომხეთში ნიდერლანდების საგანგებო და სრულუფლებიანი ელჩი, მარიკე ჰარიეტ მონროი-ვინტერი, რომელმაც ახლახან დაიწყო დიპლომატიური მისიის შესრულება სომხეთში.

როგორც „არმენპრესი“ პრემიერ-მინისტრის აპარატის განცხადებაზე დაყრდნობით იუწყება, ნიკოლ ფაშინიანმა მიულოცა ელჩს თანამდებობაზე დანიშვნა და წარმატება უსურვა სომხეთსა და ნიდერლანდებს შორის თანამშრომლობის შემდგომი განვითარების და განმტკიცების საქმეში.

სომხეთის პრემიერ-მინისტრმა აღნიშნა, რომ ბოლო წლებში ორ ქვეყანას შორის ჩამოყალიბდა მჭიდრო თანამშრომლობა და აქტიური პოლიტიკური დიალოგი. ქვეყნის ხელმძღვანელმა გამოთქვა იმედი, რომ ორმხრივი ეფექტური თანამშრომლობით სხვადასხვა სფეროში კავშირები კიდევ უფრო გაფართოვდება.

ელჩმა ხაზი გაუსვა ნიდერლანდების მთავრობის დაინტერესებას სომხეთთან ურთიერთობების განვითარებაში, მათ შორის დემოკრატიული რეფორმების მხარდაჭერაში, ეკონომიკური კავშირების გაფართოებასა და სომხეთ-ევროკავშირის ურთიერთობების გაღრმავებაში.

მხარეებმა ასევე განიხილეს ორმხრივი ინტერესის სხვა საკითხები.