ԵՄ դատարանը լսումներ է սկսել Pfizer-ի գլխավոր տնօրենի հետ ֆոն դեր Լայենի նամակագրության գործով

2 րոպեի ընթերցում

ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: Լյուքսեմբուրգի արդարադատության եվրոպական դատարանը լսումներ է սկսել Pfizer-ի գլխավոր տնօրեն Ալբերտ Բուռլայի հետ Եվրահանձնաժողովի (ԵՀ) ղեկավար Ուրսուլա ֆոն դեր Լայենի հեռախոսային նամակագրության գործով, որը վերաբերում է համավարակի ժամանակ ԵՄ երկրների համար կորոնավիրուսի պատվաստանյութեր գնելուն։ «Արմենպրես»-ի փոխանցմամբ՝ այս մասին հաղորդում է POLITICO-ն։ 

Գործը վերաբերում է ամերիկյան The New York Times հրատարակության բողոքին, որը տեղեկատվություն է պահանջել Pfizer-ի գլխավոր տնօրենի հետ ԵՀ-ի ղեկավարի նամակագրության մասին, սակայն մերժում է ստացել։ Հրատարակությունը հայտնել էր, որ 2021 թ. ապրիլին Բուռլան և ֆոն դեր Լայենը անձնական հաղորդագրություններ են փոխանակել, որպեսզի կնքեն Covid 19-ի դեմ մինչև 1,8 միլիարդ դեղաչափ պատվաստանյութերի գնման Եվրոպայի ամենամեծ գործարքը։

Դատարանը Եվրահանձնաժողովին հարցրել է տեքստային հաղորդագրությունների գոյության և այն մասին՝ արդյոք դրանք այնքան կարևոր են, որ պահանջվի դրանց հրապարակումը։ The New York Times-ը նշում է, որ դա պարզ կդառնա միայն այն բանից հետո, երբ այդ հաղորդագրությունները հանրայնացվեն։

Իր հերթին Եվրահանձնաժողովն իր գրավոր փաստարկներում նշել է, որ այդ տեքստային հաղորդագրությունները գրանցված կլինեին փաստաթղթերի կառավարման համակարգում, եթե պարունակեին կարևոր տեղեկատվություն կամ եթե դրանք պահանջեին ԵՀ-ի կամ դրա վարչություններից մեկի կողմից հետագա գործողություններ։

Գործի լսումները շարունակվում են։

Հայերեն Русский

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները