1 րոպեի ընթերցում
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: Կամսար Բաբինյանը դադարեցրել է Աջափնյակ վարչական շրջանի ղեկավարի իր լիազորությունները:
«Արմենպրես»-ի փոխանցմամբ՝ Բաբինյանի հայտարարությունը հրապարակվել է վարչական շրջանի «Ֆեյսբուք»–ի էջում:
«Իմ և աշխատակազմի նախորդած 2 և ավելի տարիներին կատարված մեծածավալ աշխատանքներն ուղղված էին Երևան համայնքի զարգացմանը և առաջնայնորեն մեր վարչական շրջանի բնակիչների համար հարմարավետ քաղաքային միջավայր ստեղծելուն»,–գրել է Բաբինյանը:
Նա կատարված աշխատանքի համար շնորհակալություն է հայտնել աջափնյակցիներին և աշխատակազմի բոլոր սրտացավ աշխատակիցներին, ովքեր ջանք ու եռանդ չեն խնայել ավելի բարեկարգ Աջափնյակ ունենալու պատասխանատու գործում:
Բաբինյանը նաև խորին շնորհակալություն է հայտնել Երևանի քաղաքապետին՝ վստահության և աջակցության համար:
Նա աջափնյակցիներին մաղթել է բարեկեցություն, իսկ վարչական շրջանին՝ բարգավաճում և կայուն զարգացում:
Բաբինյանը վարչական շրջանի ղեկավարի պաշտոնը զբաղեցնում էր 2022 թվականից: