397.35
Համահայկական ձմեռային խաղերի Բեյրութի ձնամարտի թիմը մեծ ուրախությամբ է մասնակցում մրցաշարին
1 րոպեի ընթերցում
Համահայկական ձմեռային երկրորդ խաղերի Բեյրութի թիմը խաղերում մրցելու է ձնամարտի ու լեռնադահուկասպորտում:
«Առաջին անգամ է, որ մասնակցում ենք Համահայկական ձմեռային խաղերին: Բեյրութի թիմը մասնակցել է Համահայկական բոլոր խաղերին: Եվ այստեղ հավաքված թիմը ներկա էր նաև երկու տարի առաջ կայացած Համահայկական ամառային 8-րդ խաղերին: Ուզում եմ շնորհակալության խոսք ասել մեր ատենապետին` Միսակ Նաջարյանին, ով մեր կողքին էր ամեն հարցում»,- «Արմենպրես»-ի հաղորդմամբ` ասաց Համահայկական խաղերի Բեյրութի պատվիրակության պատասխանատու Հարութ Բասմաջյանը:
Վերջինս շեշտեց, որ Բեյրութի թիմը մեծ ուրախությամբ է մասնակցում ձնամարտի մրցաշարին, որն առաջին անգամն է ընդգրկվել խաղերի մարզաձևերի շարքում:
«Մեզ համար մեծագույն երջանկություն է Հայաստան` հայրենիք գալու ցանկացած առիթ: Ամեն անգամ հայրենիք գալով մեծացնում ենք Հայաստանի նկատմամբ մեր սերը»,- ասաց Բասմաջյանը:
Բեյրութի թիմը Համահայկական ձմեռային երկրորդ խաղերին կմասնակցի նաև լեռնադահուկի մրցաշարին: Այն խաղերին մասնակցում է 31 մարզիկով:
Բաժանորդագրվեք մեր ալիքին Telegram-ում