Նախնական տվյալներով «Վրացական երազանք» կուսակցությունը հաղթում է Վրաստանի խորհրդարանական ընտրություններում

ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ։ Վրաստանի խորհրդարանական ընտրություններում նախնական տվյալներով հաղթում է իշխող «Վրացական երազանք» կուսակցությունը։ 

Ինչպես հաղորդում է «Արմենպրես»-ը, Վրաստանի Կենտրոնական ընտրական հանձնաժողովը սկսել է հրապարակել արդյունքները։ Ըստ ԿԸՀ֊ի տվյալների՝ իշխող «Վրացական երազանք»կուսակցությունը հավաքել է ընտրողների ձայների 52.94 տոկոսը։ «Կոալիցիա հանուն փոփոխություննների» դաշինքը հավաքել է ձայների 11.9 տոկոսը, «Միասնություն֊ազգային շարժում»֊ը՝ 9.79 տոկոսը, «Ուժեղ Վրաստան»-ը՝ 9.05 տոկոսը, «Գախարիան հանուն Վրաստանի» կուսակցությունը՝ 8.26 տոկոսը։