1 րոպեի ընթերցում
ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի հարավ-արևմտյան վեց նահանգներում մոլեգնող «Հելեն» փոթորկի զոհերի թիվը հասել է 191-ի: «Արմենպրես»-ի փոխանցմամբ՝ այս մասին հաղորդում է CNN-ը։
Իշխանությունները մտավախություն ունեն, որ զոհերի թիվը կարող է աճել, քանի որ շատերը դեռ անհետ կորած են։ Ըստ հրապարակման, նաև հնարավոր է, որ նրանք պարզապես չեն կարողանում կապ հաստատել հարազատների հետ՝ հաղորդակցության ենթակառուցվածքի վնասվելու պատճառով։
Հոկտեմբերի 2-ին հաղորդվել էր փոթորկի հետևանքով 166 զոհի մասին։
Ավելի քան մեկ միլիոն սպառող առանց էլեկտրականության է մնացել Վիրջինիայում, Հյուսիսային Կարոլինայում, Հարավային Կարոլինայում, Ջորջիայում և Ֆլորիդայում:
Ըստ գիտնականների՝ «Հելեն»-ի ուժգնության վրա ազդել է կլիմայի փոփոխությունը։