Տարեցների միջազգային օրվա առիթով Երևանում կազմակերպվել է տարեցների աշխատանքների ցուցադրություն-վաճառք
1 րոպեի ընթերցում
ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Ամբողջ աշխարհում hոկտեմբերի 1-ը նշվում է որպես Տարեցների միջազգային օր, որը ևս մեկ հնարավորություն է՝ արժևորելու և կարևորելու հանրությունում տարեցների դերը:
Ինչպես «Արմենպրես»-ին տեղեկացրին Երևանի քաղաքապետարանից, «Առաքելություն Հայաստան» բարեգործական հասարակական կազմակերպության նախաձեռնությամբ Երևանի Կոմիտասի անվան զբոսայգու տարածքում տեղի է ունեցել միջոցառում, որի ընթացքում կազմակերպվել է տարեցների աշխատանքների ցուցադրություն-վաճառք:
Միջոցառմանը երաժշտական կատարմամբ հանդես են եկել երգչախմբեր, ինչպես նաև կազմակերպվել է հագուստների ցուցադրություն՝ տարեցների մասնակցությամբ:
Ըստ աղբյուրի՝ միջոցառմանը մասնակցել են Երևանի քաղաքապետի տեղակալ Սարգիս Մադաթյանը, ՀՀ աշխատանքի և սոցիալական հարցերի նախարարի տեղակալ Տաթևիկ Ստեփանյանը և բարձրաստիճան այլ պաշտոնյաներ: