Խաչանովը զիջեց Ալկարասին. իսպանացին կիսաեզրափակչում է

ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Հայկական արմատներով ռուսաստանցի թենիսիստ Կարեն Խաչանովը Պեկինի մրցաշարի քառորդ եզրափակչում զիջեց Կարլոս Ալկարասին:

«Արմենպրես»-ի հաղորդմամբ` Պեկինի բաց մրցաշարի տղամարդկանց մենախաղի քառորդ եզրափակչում Կարեն Խաչանովը մրցեց իսպանացի թենիսիստ Կարլոս Ալկարսի հետ: Մոտ 1,5 ժամ ձգված մրցախաղում Ալկարասն առավելության հասավ երկու սեթում` 7:5, 6:2 հաշվով: Ալկարասը դուրս եկավ կիսաեզրափակիչ:

Կարեն Խաչանովը պրոֆեսիոնալ թենիսիստների ասոցիացիայի (ATP) վարկանիշային աղյուսակում 27-րդն է: Նա 4 անգամ հաղթել է միջազգային ֆեդերացիայի հովանու ներքո անցկացվող մրցաշարում: Նա Տոկիոյի 32-րդ ամառային Օլիմպիական խաղերի արծաթե մեդալակիր է: Հայկական արմատներով ռուսաստանցի թենիսիստի լավագույն արդյունքը եղել է 2019 թվականին, երբ նա հասել է Rolan-Garros-ի քառորդ եզրափակիչ և 2021 թվականին՝ դարձյալ քառորդ եզրափակիչ Ուիմբլդոնում, իսկ 2022-ին նա հասավ US Open-ի կիսաեզրափակիչ: 2023 թվականին էլ Խաչանովը դուրս մնաց AusOpen-ի կիսաեզրափակչից: