1 րոպեի ընթերցում
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ։ Ռուս-հրեական ծագմամբ հայտնի բլոգեր Ալեքսանդր Լապշինը ՀՀ ոստիկանության աշխատակիցների կողմից հայտնաբերվել է 2024 սեպտեմբերի 21-ին Բելառուսի Հանրապետության իրավապահ մարմինների կողմից հետախուզման մեջ գտնվելու հիմքով:
«Արմենպրես»-ի հաղորդմամբ`ՀՀ գլխավոր դատախազության տարածած պարզաբանման մեջ նշվում է, որ դատախազի կողմից փաստաթղթերն ուսումնասիրելուց հետո բանավոր հանձնարարվել է Լապշինին չձերբակալել. ներկայում նա ազատության մեջ է։
Սեպտեմբերի 21-ին Լապշինը հայտարարել էր, որ «Զվարթնոց» օդանավակայանում նրա մուտքը Հայաստան կասեցրել են սահմանապահները, վերցրել են անձնագիրը։