Հայաստանի դպրոցներում նախորդ տարի աշխատանքի է անցել ավելի քան 3000 նոր ուսուցիչ
1 րոպեի ընթերցում
![Հայաստանի դպրոցներում նախորդ տարի աշխատանքի է անցել ավելի քան 3000 նոր ուսուցիչ](http://armenpress.am/resized/480/storage/images/articles/2024/09/11/17XSbncZUiBLEhAN58cYViOWFjY92Sq5zYZFFDgI.webp)
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի դպրոցներում 2023–ի ընթացքում աշխատանքի է անցել ավելի քան 3000 նոր ուսուցիչ:
«Արմենպրես»-ի հաղորդմամբ՝ այս մասին հայտնեց Կրթության, գիտության, մշակույթի և սպորտի նախարար Ժաննա Անդրեասյանն ԱԺ–ում կառավարության անդամների հետ հարցուպատասխանին:
«Նախորդ տարի մեր դպրոցներում գրանցել ենք ավելի քան 3000 նոր ուսուցիչներ՝ ի շնորհիվ կառավարության այն քաղաքականության, որն ուղղված է ուսուցչի մասնագիտության գրավչության բարձրացմանը, հավելավճարի ծրագրերին, ատեստավորման քաղաքականությանը, ինչը նաև ուսուցչի աշխատավարձը դարձրել է առավել մրցունակ»,–ասաց Անդրեասյանը:
Նախարարը ուրախալի համարեց այն փաստը, որ ավելի քան 3000 նոր ուսուցիչների շրջանում ավելի քան 30 տոկոսն են կազմում երիտասարդ ուսուցիչները, նաև միջին տարիքի ուսուցիչները: