ԱԺ նախագահը պաշտոնական այցով կմեկնի Հունգարիա, այնուհետև Կանադա

ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ։ Ազգային ժողովի նախագահ Ալեն Սիմոնյանի գլխավորած պատվիրակությունը պաշտոնական այցով կմեկնի Հունգարիա, այնուհետև Կանադա։ «Արմենպրես»-ի հաղորդմամբ՝ Ալեն Սիմոնյանի կարգադրությունները հրապարակվել են ԱԺ կայքէջում։

Ալեն Սիմոնյանի պատվիրակությունը Բուդապեշտում կգտնվի սեպտեմբերի 17-19-ը, իսկ Օտտավայում՝ սեպտեմբերի 25-30-ը։

Պատվիրակության կազմում են լինելու բարեկամական խմբի ղեկավարները, անդամները և ԱԺ աշխատակազմի աշխատակիցները։